Մետաղապատման Ծառայություններ
Հայաստանում

Գալվանապատումը անագ-բիսմութով (Sn-Bi) էլեկտրաքիմիական գործընթաց է, որի արդյունքում մետաղական մակերեսի վրա ստեղծվում է պաշտպանիչ և ֆունկցիոնալ շերտ։ Այս տեխնոլոգիան լայնորեն կիրառվում է արդյունաբերության տարբեր ոլորտներում՝ շնորհիվ իր յուրահատուկ հատկությունների։

Նիկելապատումը շինվածքների մակերևույթների պատումն է նիկելի շերտով (1–2-ից մինչև 40–50 մկմ հաստության)։ Կիրառվում է շինվածքները կոռոզիայից պաշտպանելու, դետալների մաշակայունությունը բարձրացնելու, ինչպես նաև պաշտպանական–դեկորատիվ նպատակներով։

Արծաթապատումը այլ մետաղների պատումն է արծաթի շերտով։ Արծաթի բարձր հաղորդունակությունը և կոռոզիոն մեծ դիմադրությունը դարձնում են այն շատ տարածված՝ հաշվի առնելով դրա գնային տարբերությունը ոսկու հետ: Իր հակաբակտերիալ հատկանիշների շնորհիվ արծաթապատումը լայնորեն կիրառվում է նաև բժշկական ոլորտում։

Անոդավուրումը ալյումինի մակերևույթին ստեղծում է պաշտպանիչ օքսիդային շերտ, որը բարելավում է նյութի հատկությունները։ Այս գործընթացը լայնորեն կիրառվում է տարբեր ոլորտներում՝ ապահովելով երկարատև դիմացկունություն և էսթետիկ տեսք։